Ikirango gitangaje mu ibendera ry’igihugu

Igihugu cya repubulika y’aba Dominicani ni kimwe mu bihugu 13 bigize ibirwa cya karaibe. Iyo repubulika ifite umurwa mukuru witwa Santo Domingo. Kandi ikabarizwa ku mugabane wa Amerika y’Amajyaruguru.

Icyo gihugu gihana umupaka na Haiti bisangiye ikirwa cya Hispaniola. Repubulika Y’aba Dominicani ifite amateka atangaje ashingiye ku miterere y’ikirango gikuru aricyo Ibendera ry’Igihugu.

Ubwo icyo gihugu cyabonaga ubwigenge cyitandukanije na Haiti muri 1844, Umuyobozi w’impinduramatwara yagejeje repubulika ya Dominicani kubwigenge,Juan Pablo Duarte, yashizeho ibendera ririmo ibirango bigaragaza gukunda igihugu n’ukwizera kugomba kuranga abene gihugu. Juan Pablo Duarte wari umunyadini ukomeye, yifuzaga ko repubulika yaba Dominicani yagendera ku mahame y’ukwemera mu Mana, ukwishyira ukizana ndetse no kugengwa n’ukuri. Bityo yatekereje kandi anemeza ko bibiliya irambuye igomba kujya mu birango bigize ibendera ry’igihugu.

Ikimenyetso cya Bibiliya ifunguye cyerekana Urufatiro rwa gikristo rwa Repubulika yaba Dominikani. Gukunda Igihugu, kwizera Imana n'umudendezo ushingiye ku kwimakaza ukuri nzoo ndagagaciro igihugu kigomba kugenderaho. Isomo rigaragara muri iyo bibiliya Ifunguye riboneka mu butumwa bwiza bwa Yesu uko bwanditswe na Yohana, igice cya 8, umurongo wa 32, havuga hati:

Ukuri mumibereho y’abantu, ni indangagaciro ikomeye ituma abantu babaho mubunyangamugayo. Bibiliya nayo irarikira abantu gushishikazwa no kumenya ukuri. Kandi Ukuri tubwirwa na Bibiliya si ukuri gusanzwe, ahubwo ni ukuri dukura mugushyikirana na Yesu Kristo.

Bamwe babishakira mu kwifuza ubutunzi bwinshi, mu binezeza, mu banyabubasha, cg se mukwiyemera. Ariko Yesu , ubwo yarahagaze imbere y’imbaga y’abantu benshi bari iyerusalemu, yababwiye ayamagambo mw’ijwi ridakebakeba ngo”

Namwe muzamenya Ukuri, kandi ukuri niko kuzababatura.