Kwihangana- Inkuru ya Zhai Xiaowei na Ma Li

Mu mwaka 2005, habayeho irushanwa ryo kubyina (CCTv national competition dance) mu gihugu cy’Ubushinwa . Ubwo batangaga amatangazo amenyekanisha iryo rushanwa, abantu babiri Ma Li na Zhai Xiaowei,baribafite ubumuga bw’ingingo biyemeje gukora itsinda ry’ababyinyi rizahatana muri ayo marushanwa ku rwego rw’igihugu, maze bombi bitoza gutaramira hamwe ngo bazatware iryo rushanwa.

Kubwo kwihangana bidasanzwe no gufata amasaha menshi yo kwitoza mu myino bateguriraga irushanwa, batangiye kwitegura guhatanira gutwara ibihembo nk’itsinda rizaba irya mbere mu gihugu. Amateka yabo ni gihamya igaragaza ko kwihangana no kwiyemeza bishobora gutsinda ibibazo bitoroshye umuntu ahura nabyo.

Imbuto zo kwihangana n’imigisha ibikomokaho ntabwo biza cyangwa ngo bigaragare uwo mwanya. Nkabakristo bagendana n’Imana mwisi y’icyaha, akenshi duhura n’umubabaro, ibishuko, ndetse n’ibiturushya. Rimwe na rimwe dushobora kwangwa cyangwa gusuzugurwa kubera ibyemezo dufata abandi babona nkaho bidashize mu gaciro kubera ko basuzugura imyizere yawe. Ariko Bibiliya iravuga ngo

“Mwibuke yuko abihanganye tubita abanyehirwe.” Yakobo 5:11